街坊茶樓006 : 觀塘小食暑期工
暑期工﹖一個快要在歷史博物館才會見到的名詞。
一班街坊﹐由觀塘的街邊小食出發﹐去到緬懷昔日做暑期工的咩咩歲月﹐車衣女﹑工廠妹﹑鑽飾鑲嵌﹑機場特警﹑深水埗苦力﹐還有記憶中包伙食必有的勁腥蒸魚。
今集人多﹐是否好辦事﹖仍有待考究﹐不過笑聲就真係特別多。
主持﹕Aresma﹐Emily Strange﹐Suzie Wong﹐DK﹐DNCP﹐KCCY﹐PC168
標籤：
街坊茶樓第一季
星期四, 8月 17, 2006
訂閱：
發佈留言 (Atom)
4 則留言:
我從細係觀塘大架啦,間賣蛇羹o既舖叫''蛇王兄''呀,個名改得幾得意。
我細路時試過夜晚响裕民坊巴士總站旁街邊食東風螺．
嗰度啲檯好矮，個個都要坐木櫈仔．檯面仲有一隻裝咗水o既玻璃杯插住好多枝鐵籤仔，係用嚟撩舊螺肉出嚟食，個個督完都係就咁放返落杯水度，跟住又輪到下一個用，十分衞生！
嗰時冇染霍亂都算係一個奇蹟！
早兩日去觀塘試過一檔不錯的雲南米線。
忽見蛇王兄招牌﹐好笑﹐真係食蛇羹送蛇湯﹐仲有生炒糯米飯。
經過再三回想：日頭賣褲，夜晚賣嘢食o既檔口仔，就係响裕民坊/輔仁街紅綠燈前巷口轉角位．日頭賣雜嘜牛仔褲，夜晚推嚟一架木頭車賣熱豆漿同油炸鬼．油炸鬼會剪成細細碌浸豆漿，雖然唔係即場炸，但係都好鬼脆．而豆漿就係用個洗面o既銻盆裝住，好有風味．
行過幾格，亦有用銻面盆裝住o既韮菜豬大腸．有一檔賣魚蛋，隔離仲有豬腸粉賣 - 多啲甜醬多啲麻醬多啲芝麻唔該！咁崩大碗同椰汁檔當然唔少得啦．
以前細路時好恨夜晚去到裕民坊掃街o架，而家諗起都流口水．
發佈留言